4月30日...台灣之旅出發~4日3夜豪華團....3晚都5星酒店~

今次係同阿詩兩人第一次出國...上次一班人去泰國唔算丫~6:30要到機場...睇完曼聯對阿仙奴咪搭taxi出發~8:15準時起機...去到當地...集合曬...全個團加埋得8個人...原先決定離團...最後都無...上左架豪華bus...真係舒服~第一日去九份...之後過埋宜蘭...夜晚就番酒店泡溫泉...間房大到我地兩個都驚~

5月1日...去左淡水...夜晚去士林...join埋小為番酒店~

5月2日...自由活動...去左西門町...夜晚同小為去左台北車站食飯...

5月3日...送左小為搭taxi後...我地跟番團...去左點水樓食小籠包...之後又去西門町...為左浩賢...去左去家樂福買小皇子麵..7:00到機場...點知delay左...10:00先上機...幸好轉左國泰機...空姐們都好靚女呀~

11:30番到黎...1:00先番到屋企~

做任何事都應該要狠~俾d決心啦~

最近番工做野都好有heart~連自己都唔知~

而家每日放工...盡快番屋企...咁就可以少左洗錢既機會~

4月尾去得成台灣嗎???       一定得!!!!!!!

2月8日...真係開心...今年第一次踢教與隊既波...曾大屋...開波前仲有利是收~不過開波只係5分鐘...已經出現第一次換人...就係我...回唔到氣....唉~抖左半個鐘先再落場...不過狀態真係差...單都撻q~最後都贏2:1~

2月14日...情人節...四年咯~阿詩今日要番工...so上晝梗係去買花啦~下晝同阿曾去踢波...一個10年前既阿叔搵番我地...去人造草幫手...加埋高邦 蘇鋒 c ho...已經足夠贏波...今場體能好番d...踢足全場...其實係無人搵同無半場~迫住踢~

7:00搭307去金鐘接阿詩~then去mk王家沙食飯~兩個人食左叫左上海粗炒 炒飯 油豆腐粉絲湯 小籠包...食飽後番屋企咯...

2月15日...今朝諗住早起身...因為約左公司同事bbq...不過同阿詩11:00先起身...整埋野...去mk搭小巴入小欖...岩岩1:30...燒左陣就打牌...贏左d交通費~之後佢地8:00走...同阿詩兩個再燒到9:00先走~

18號澳門遊...在利澳住...非常大既房...周圍去...行到腳軟...如果唔係同舅父佢地去..知少好多野...仲有食唔到好野啦...而家食翅食水蟹粥...一蚊都唔洗俾...係賭錢輸左$500...同買左$200手信...

19號番到黎...去埋尖東食飯先番屋企...

24號...年廿九...都要番工...busy到顛...康樂園d客真煩...有錢大曬咁...要人即刻送就送...好似得佢一個住咁...放工去左阿爺度食飯...

年三十...上晝老竇個fd送左盆吉黎...下晝又去左教院踢波...又係傷左番黎...等埋阿詩食飯...去行花市...買左好多野...有隻牛年不倒翁...同阿詩一人一隻...

初一...上晝當然飲茶...黃大仙...之後番白田食飯...

初二...又係上白田...今次係上阿公0個邊...一早約左表哥表弟加埋阿妹打牌...期間又食蘿蔔糕等...夜晚去豪門食飯...番黎去左阿詩度...開賭啦...大細 魚蝦蟹 打牌 ...阜仔一個鐘輸左600...我同阿詩 c ho就贏最多...哈哈...阿詩超旺...三十局三公...輸兩局...搞到朱女 阿轉 都夾落阿詩度...一齊贏...

初三...夜晚同阿詩屋企人食飯...之後上去打番四圈...

初四...開工大吉...又有唔少利是喇...全日都無做過野~放工番大埔bbq...同小學同學....可能太支力喇...未能盡慶...但係都係開心的...

初五...放工即刻番黎...上阿詩度食飯...佢d家姐黎曬...好多人呀...食完飯又打番8圈...

初六...同阿詩去左紅洋蔥食野...兩個叫左四樣野...飽到行唔到~

病左~d鼻水~流極都唔清@@

最近睇左兩套戲...葉問同拳霸2....寧願睇兩次葉問都唔睇拳霸...

16號公司食飯...希望抽到頭8獎啦...18號去macau玩...19號先番~